मुंबई, दि. 27 : भारतरत्न डॉ. बाबासाहेब आंबेडकर यांचे भव्य आंतरराष्ट्रीय स्मारक साकारण्यासाठी समाजातील विविध तज्ज्ञांचे विचार आणि सूचना मागविण्यात येत आहेत, असे सामाजिक न्याय आणि विशेष सहाय मंत्री राजकुमार बडोले यांनी आज सांगितले.
आज मंत्रालयात इंदू मिलच्या जागेवरील डॉ. आंबेडकर स्मारकासंदर्भात बैठकीचे आयोजन करण्यात आले होते. त्यावेळी बडोले बोलत होते. बैठकीस विधानपरिषद सदस्य जोगेंद्र कवाडे,अविनाश महातेकर, महेंद्र साळवे, बृहन्मुंबई नगरविकासचे उपसंचालक संजय बाणाईत, डॉ.बाबासाहेब आंबेडकर महापरिनिर्वाण दिन समन्वय समितीचे सरचिटणीस नागसेन कांबळे, वास्तुविशारद अतुल प्रभू आदी उपस्थित होते.
डॉ. बाबासाहेब आंबेडकर यांचे आंतरराष्ट्रीय स्मारक हे तज्ज्ञांच्या सहमतीने आणि त्यांच्या सूचना घेऊनच तयार करण्यात येईल, या स्मारकात समानतेचे प्रतीक असलेला डॉ. आंबेडकर यांचा भव्य पुतळा, भव्य ग्रंथालय, वास्तुसंग्रहालय, डॉ. आंबेडकर यांच्या जीवनाचा प्रवास उलगडणारे शिल्पचित्र अशा विविध सूचनांची दखल घेतली जाणार असल्याचेही त्यांनी यावेळी सांगितले.
No comments:
Post a Comment