मुंबई, दि. 7 : मुंबईचा विकास आराखडा अंतिम टप्प्यात असून संग्रहालयासारख्या वास्तूंचे जतन व संवर्धन करण्यास प्राधान्य असल्याचे प्रतिपादन मुख्यमंत्री देवेंद्र फडणवीस यांनी आज येथे केले. डॉ. भाऊ दाजी लाड मुंबई सिटी म्युझियम व सेंटर फॉर इंटरनॅशनल मॉडर्न आर्ट (CIMA) यांच्या संयुक्त विद्यमाने आयोजित 'एक्सपेरिमेंट्स' या बंगाली कलाकारांच्या कला प्रदर्शनाच्या उद्घाटनप्रसंगी फडणवीस बोलत होते.
रवींद्रनाथ टागोर यांच्या जयंतीदिनी या प्रदर्शनाचे उद्घाटन करताना अतिशय आनंद होत असल्याचे मुख्यमंत्र्यांनी सांगितले. ते म्हणाले, कला ही प्रतिकूल परिस्थितीत बहरते. अजिंठा, वेरूळची लेणी हे त्याचे उत्तम उदाहरण आहे. कलाकारांच्या विविध प्रकारच्या कला प्रकारांना प्रोत्साहन देण्यासाठी मुंबईमधील संग्रहालये व कला केंद्रांच्या जतन व संवर्धनाला प्राधान्य देणार असल्याचे फडणवीस यांनी सांगितले. यावेळी सिमा गॅलरीच्या संचालक राखी सरकार, डॉ. भाऊ दाजी लाड मुंबई सिटी म्युझियमच्या मानद संचालक तसलीम मेहता, आदी उपस्थित होते.
No comments:
Post a Comment