मुस्लिमांना आरक्षण मिळायला हवे, मुस्लिम पर्सनल लॉमध्ये ढवळाढवळ करू नये आणि समान नागरी कायद्याची अंमलबजावणी करू नये या मागणीसाठी हे आंदोलन करण्यात आले. आमचा मराठा समाजाच्या आरक्षणाला विरोध नाही. मराठा आरक्षणासाठी राज्य सरकार एवढे तत्पर असताना मुस्लिम आरक्षणाबाबत उदासीन का, असा सवाल हजरत मौलाना नजीम सिद्दिकी यांनी केला. तसेच आरक्षणासाठी आरपारच्या लढाईकरिता मुस्लिम समाजाने सज्ज राहण्याचे आवाहनही यावेळी करण्यात आले.
