नागरी स्थानिक संस्थांच्या विविध करांपोटी नागरीकांनी भरले 173 कोटी रुपये - JPN NEWS

Breaking

Home Top Ad

Post Top Ad

12 November 2016

नागरी स्थानिक संस्थांच्या विविध करांपोटी नागरीकांनी भरले 173 कोटी रुपये

मुंबई, दिनांक 11- एक हजार व पाचशे रुपये मुल्यांच्या जुन्या नोटांचा वापर करुन नागरी स्थानिक संस्थांच्या विविध करांपोटी नागरीकांनी 173 कोटी28 लाख रुपयांचा भरणा केल्याची माहिती नगरविकास विभागाच्या सचिव मनीषा म्हैसकर-पाटणकर यांनी दिली आहे.

केंद्र शासनाच्या वित्त मंत्रालयाने 8 नोव्हेंबर 2016 च्या मध्यरात्रीपासून एक हजार व पाचशे रुपये मुल्यांच्या नोटा व्यवहारातून रद्द केल्या आहेत. यामुळे नागरीकांची अडचण होवू नये यासाठी महानगरपालिका, नगरपालिकांच्या विविध करांचा भरणा, थकबाकी भरण्यासाठी 11 नोव्हेंबर च्या मध्यरात्री पर्यंत नागरीकांकडून या जुन्या चलनाच्या नोटा स्वीकारण्याची परवानगी मिळावी. यासाठी मुख्यमंत्री देवेंद्र फडणवीस यांनी केंद्र शासनाला विनंती केली होती.

मुख्यमंत्र्यांनी केलेली विनंती केंद्र शासनाने मान्य केल्याने मालमत्ताधारक नागरीकांना महानगरपालिका, नगरपालिकांनी त्यांच्या विविध करांचा भरणा, थकबाकी जुन्या चलनाने भरता यावी यासाठी आज (11 नोाव्हेंबर) मध्यरात्रीपर्यंत कार्यालये सुरु ठेवली आहे. जुन्या चलनाने विविध करांचा भरणा स्वीकारण्यात येत असल्याने आज दिवसभर राज्यातील सर्व महानगरपालिका,नगरपालिकांच्या कार्यालयात विविध करांचा भरणा करण्यासाठी मालमत्ताधारकांनी मोठया प्रमाणात गर्दी केली होती. आज राञी 8.00 वाजेपर्यंत विविध करांपोटी 173 कोटी 28 लाख रुपयांचा भरणा केला आहे. मध्यरात्रीपर्यंत विविध करांपोटी भरण्याची रक्कम 200 कोटी पर्यंत जाईल असा विश्वास सचिव म्हैसकर-पाटणकर यांनी व्यक्त केला आहे. आज (11 नोव्हें) मध्यरात्रीपर्यंत जुन्या चलनाने विविध करांचा भरणा स्वीकारण्यात येणार असल्याने नागरीकांनी आपल्याकडील करांचा भरणा करावा असे आवाहनही श्रीमती म्हैसकर-पाटणकर यांनी केले आहे.

(दुपारी 4.00 वाजेपर्यंत)
जुन्या चलनाने महानगरपालिकानिहाय विविध करांच्या भरणापोटी जमा झालेली रक्कम रुपये.

बृहन्मुंबई महानगरपालिका- 1 कोटी 97 लाख
नवी मुंबई महानगरपालिका- 3 कोटी 3 लाख
कल्याण-डोबिंवली महानगरपालिका- 5 कोटी 16 लाख
मीरा-भाईंदर महानगरपालिका- 2 कोटी 3 लाख
वसई- विरार महानगरपालिका- 2 कोटी 23 लाख
उल्हासनगर महानगरपालिका- 4 कोटी 50 लाख
भिवंडी महानगरपालिका- 1 कोटी
पुणे महानगरपालिका- 17 कोटी 60 लाख
पिंपरी चिंचवड महानगरपालिका- 5 कोटी 25 लाख
ठाणे महानगरपालिका- 4 कोटी 25 लाख
सांगली-कुपवाड महानगरपालिका- 1 कोटी 70 लाख
कोल्हापूर महानगरपालिका- 51 लाख
अहमदनगर महानगरपालिका- 1 कोटी 35 लाख
नाशिक महानगरपालिका- 3 कोटी 50 लाख
धुळे महानगरपालिका- 1 कोटी 9 लाख
जळगांव महानगरपालिका- 87 लाख 41 हजार
मालेगांव महानगरपालिका- 75 लाख 54 हजार
सोलापूर महानगरपालिका-1 कोटी 75 लाख
औरंगाबाद महानगरपालिका- 1 कोटी 84 लाख
नांदेड-वाघाळा महानगरपालिका- 1 कोटी 7 लाख
अकोला महानगरपालिका- 55 लाख
अमरावती महानगरपालिका- 1 कोटी 10 लाख
नागपूर महानगरपालिका- 3 कोटी 55 लाख
परभणी महानगरपालिका- 11 लाख 64 हजार
लातूर महानगरपालिका- 62 लाख
चंद्रपूर महानगरपालिका- 46 लाख
राज्यातील सर्व नगरपालिका- 14 कोटी 28 लाख

याप्रमाणे एकूण 82 कोटी 13 लाख 59 हजार रुपयांचा भरणा झाला आहे.

Post Bottom Ad