रूग्णांना डॉक्टरांच्या प्रिस्किपशनवर पाचशे हजार रूपयांच्या नोटांवर व्यवहार करता येतील व औषधे मिळतील असेही जाहीर करण्यात आले आहे. मात्र मुंबई बाहेरील पेशंट मुंबईच्या अनेक रूग्णालयात उपचार घेत आहेत. त्या रूग्णांच्या नातेवाईकांना जेवणासाठी नास्तासाठी सुट्टयांच्या गैरसोयीला सामोरे जावे लागले असे एका रूग्णाच्या नातेवाईकाने सांगितले. मुंबईतील रूग्णांमध्ये मुंबईबाहेरील अनेक रूग्ण उपचार सुरू आहेत. घाटकोपर पूर्व येथील एका मेडीकल स्टोअर्सने पाचशे व हजारच्या नोटा स्वीकारल्या जाणार नाही असा फलकच लावला होता. त्यामुळे ज्यांना औषधांची तातडीने आवश्यकता होती, पण सुट्टे पैसे नाहीत अशांची धावपळ उडाली.
काळ्या पैशावर गंडांतर
कोणत्याही निवडणुकीत काळया पैशाचा वापर मोठया प्रमाणात होत असतो, त्यावर निवडणूक आयोगाची करडी नजर असते. मात्र आयोगाला हुलकावणी देत राजकीय पक्षांकडून छुप्या पध्दतीने हे व्यवहार होत असतात. पाचशे आणि हजाराच्या नोटा चलनातून रद्द झाल्याने महापालिका निवडणुकीच्या तोंडावर ब्लॅक मनीवर गंडांतर आले आहे. त्याचा परिणाम निवडणुकीवर होणार असल्याने सर्वच राजकीय पक्षातील मंडळी धास्तावली आहेत.
