निती आयोगाच्या अंतर्गत डिजीटल पेमेंटचा दैनदिन जीवनात वापर वाढविण्यासाठी स्थापन करण्यात आलेल्या मुख्यमंत्र्यांच्या समितीच्या बैठकीत आज श्री.फडणवीस व्हिडीओ कॉन्फरन्सच्या माध्यमातून सहभागी झाले होते. या बैठकीत त्यांनी हे मत व्यक्त केले. या बैठकीमध्ये समितीचे नियंत्रक आंध्रप्रदेशचे मुख्यमंत्री एन.चंद्राबाबू नायडू, मध्यप्रदेशचे मुख्यमंत्री शिवराजसिंह चौहान, निती आयोगाचे मुख्य कार्यकारी अधिकारी अमिताभ कांत, डिजीटल सल्लागार नंदन निलकेणी आणि इतर तज्ज्ञ व्हिडीओ कॉन्फरन्सच्या माध्यमातून सहभागी झाले होते.
येत्या तीन महिन्यांत दहा लाख पीओएस मशीन वितरीत करण्यात येतील. यामूळे कॅशलेस व्यवहार करण्यास चालना मिळेल, अशी माहिती या बैठकीत देण्यात आली. सर्व बॅंकांना या माध्यमातून डिजीटल पेमेंट करता यावे यासाठी सर्वंकष मोबाईल ॲप, विकसीत करणे, आधार कार्डचा वापर करुन चलनविरहीत व्यवहार करणे अशा विविध मुद्यांवर बैठकीत चर्चा करण्यात आली
