मुंबईला पाणीपुरवठा करणाऱ्या तलाव क्षेत्रात पाऊस

मुंबई / प्रतिनिधी – राज्यात सात जून नंतर पावसाळा सुरू होणार असे जाहीर केले असतानाच मुंबईला पाणीपुरवठा करणाऱ्या तलाव क्षेत्रामध्ये पावसाने पावसाळ्यापूर्वीच हजेरी लावली आहे गेल्या 24 तासात मुंबईला पाणीपुरवठा करणाऱ्या तलावांमध्ये 88.40 मि. मी. पावसाची नोंद झाली असल्याची माहिती पालिका जलविभागाने दिली आहे. 

गेल्या काही दिवसात मुंबईकर नागरिक उकाड्याने हैराण झाले असतानाच अचानक तुरळक पावसाने अनेक ठिकाणी हजेरी लावण्यास सुरुवात केली आहे. मुंबईला पाणी पुअरवठा करणाऱ्या तलावांमध्येही पावसाने हजेरी लावली आहे. मुंबईला पाणीपुरवठा करणाऱ्या सातही तलाव क्षेत्रात सध्या गेल्या वर्षीच्या तुलनेत यंदा दुप्पट पाणी साठा उपलब्ध आहे. यावर्षी 2 लाख 89 हजार 392 दशलक्ष लिटर इतका पाणी साठा उपलब्ध आहे, गेल्या वर्षी याचवेळी 1 लाख 71 हजार 419 दक्षलक्ष लिटर इतका पाणीसाठा उपलब्ध होता. मुंबईकरांना वर्षाला 14 लाख 47 हजार 363 दशलक्ष लिटर पाण्याची गरज असते गेल्या वर्षी चांगला पाऊस झाल्याने आजही तलावात पाण्याची पातळी चांगली आहे.

२ जून सकाळी ६ वाजताच पाणीसाठा -तलावाचे नाव    24 तासात पडलेला पाऊस     सध्या तलावातील साठा
                               मि . मी .                      दक्षलक्ष लिटर
अप्पर वैतरणा            -------                         ---------
मोडकसागर               16 .60                         37180
तानसा                      13 .00                         33290
मध्य वैतरणा             18 . 00                        90528
भातसा                      18 .00                       118983
विहार                        32 . 80                        6878
तुलसी                       -----                            2533
एकूण                        88 . 40                      289392