![](https://blogger.googleusercontent.com/img/b/R29vZ2xl/AVvXsEhzQaIN8YiAb83RjQxPPQwkFIe8Pc7st541uV6lBT95MD6Sl9eOzJ9TumNeYihjDzySp55FFE76ELKekQgVEdLzrkhVVVlYCKH20s2_bVDSqkY0LNx0Z1TbYWhAJff3czjri52F4dkdSr6rbAIkE_XRF7lGztkHLjyJtoWwLoSgeVDR3Aynz0GfOMM6/w640-h366/Sanjay%20raut%20press.jpg)
मुंबई - पत्राचाळ गैरव्यवहार प्रकरणात शिवसेनेचे खासदार संजय राऊत यांच्या जामीन अर्जावर आज पुन्हा एकदा सुनावणी झाली. न्यायालयाने जामीन अर्जाचा निर्णय राखून ठेवला होता. या प्रकरणामध्ये प्रवीण राऊत आणि संजय राऊत या दोघांच्याही जामीन अर्जावर आज निर्णय देण्यात आला आहे. संजय राऊत यांना अखेर जामीन अर्ज मंजूर करण्यात आला आहे.
गोरेगाव येथील पत्राचाळ घोटाळा प्रकरणात संजय राऊत यांना ईडीने जून महिन्यात अटक केली होती. त्यानंतर राऊत यांना कोर्टाने न्यायालयीन कोठडी सुनावली होती. राऊत यांचा मुक्काम हा आर्थर रोड कारागृहामध्ये हलवण्यात आला. राऊत यांना पुन्हा एकदा पीएमएलए न्यायालयात हजर केले होते. मागील सुनावणीमध्ये ईडीने लेखी उत्तर सादर केले होते. आज कोर्टामध्ये मोठ्या संख्येने ठाकरे गटाच्या कार्यकर्त्यांनी गर्दी केली होती. प्रचंड गर्दी तरी टाचणी पडली तरी आवाज येईल, इतकी शांतता होती. सर्वांचे लक्ष हे न्यायाधीश एम. जी. देशपांडे यांच्या निकालाकडे लागले होते. तब्बल दीड तासाच्या प्रतीक्षेनंतर न्यायाधीश देशपांडे यांनी संजय राऊत यांचा जामीन अर्ज मंजूर केला आहे.
No comments:
Post a Comment