या करारानुसार महाराष्ट्रातील ३८ टपाल कार्यालयांमध्ये गो-आधारित उत्पादनांच्या विक्रीसाठी विशेष काउंटर सुरू केले जाणार आहेत. तसेच टपाल विभागाकडून GCCI ला स्पीड पोस्ट, इंडिया पोस्ट पार्सल आणि लॉजिस्टिक पोस्टच्या माध्यमातून घरपोच लॉजिस्टिक सेवा उपलब्ध करून दिली जाणार आहे.
GCCI ही ‘सेक्शन ८’ कंपनी असून गायीचे दूध, शेण आणि गोमूत्रापासून तयार होणाऱ्या ३०० हून अधिक उत्पादनांच्या क्षेत्राचे प्रतिनिधित्व करते. या भागीदारीमुळे गो-उद्योजक आणि नवोन्मेषकांना देश-विदेशातील बाजारपेठांपर्यंत पोहोचण्यासाठी मोठे व्यासपीठ मिळणार असल्याचे सांगण्यात आले.
या कार्यक्रमाला GCCI चे अध्यक्ष आणि माजी केंद्रीय राज्यमंत्री Vallabhbhai Kathiria उपस्थित होते. त्यांनी या निर्णयाचे स्वागत करत ग्रामीण भागातील गो-उद्योजकांना मोठे पाठबळ मिळेल, असे सांगितले.
दरम्यान, २० ते २३ मार्च २०२६ दरम्यान पुण्यातील कृषी महाविद्यालय मैदान, शिवाजीनगर येथे “Gau Tech 2026” हे आंतरराष्ट्रीय शिखर संमेलन आणि प्रदर्शन आयोजित करण्यात येणार असल्याची माहितीही पत्रकार परिषदेत देण्यात आली. या कार्यक्रमातून गो-आधारित उद्योग, विज्ञान, तंत्रज्ञान आणि उद्योजकतेला जागतिक व्यासपीठ मिळणार आहे.
No comments:
Post a Comment