महिलांच्या सुरक्षेसाठी सरकारने नियम करावेत
मुंबई - रात्री-अपरात्री टॅक्सीने एकट्या जाणाऱ्या महिलांच्या सुरक्षेसाठी सरकारने नियम केले पाहिजेत, असे उच्च न्यायालयानेच आज बोलून दाखवले. पुण्यातील विप्रो कंपनीत काम करणाऱ्या तरुणीची बलात्कार करून हत्या करणाऱ्या दोघा जणांनी फाशीच्या शिक्षेविरुद्ध केलेल्या अपीलाच्या सुनावणीदरम्यान न्या. विद्यासागर कानडे आणि प्रमोद कोदे यांच्या खंडपीठाने हे मतप्रदर्शन केले.
रात्रपाळीत काम करणाऱ्या महिलांच्या सुरक्षेची जबाबदारी संबंधित कंपनीची आहे, पण एकटीने प्रवास करणाऱ्या महिलांच्या सुरक्षेसाठी सरकारनेही पावले उचलली पाहिजेत, असे खंडपीठाने सांगितले. महिला कर्मचाऱ्यांखेरीज रात्री एकट्या प्रवास करणाऱ्या अन्य महिलांचे काय? अनेक महिला विमानतळापासून घरापर्यंत एकट्याच टॅक्सीने जातात; त्यांच्या सुरक्षेसंदर्भात काही नियम आहेत का? आदी प्रश्न न्यायालयाने विचारले. कंपनीतील शेवटच्या दिवशीच पुण्यातील संबंधित महिला कर्मचाऱ्याची बलात्कार करून हत्या झाली होती. तिचा कामावरील शेवटचा दिवस असल्याची माहिती त्या वाहनचालकाला होती का आदी बाबींची पोलिसांनी चौकशी करायला हवी, असेही खंडपीठाने सांगितले. |
11 September 2012
Subscribe to:
Post Comments (Atom)
Post Bottom Ad
No comments:
Post a Comment