पाणीकपात रद्द करा - मनसे

पाणीकपात रद्द करा - मनसे

मुंबई : मुंबई शहराला पाणीपुरवठा करणार्‍या सर्वच तलावांमध्ये पाण्याचा पुरेसा साठा उपलब्ध झाल्यामुळे मुंबईमधील 10 टक्के पाणी कपात रद्द करण्याची मागणी महाराष्ट्र नवनिर्माण सेनेचे गटनेते दिलीप लांडे यांनी पालिका आयुक्तांकडे केली आहे. जून-जुलै महिन्यांत पावसाच्या सुरुवातीला पावसाने पाठ फिरवल्यामुळे मुंबईला पाणीपुरवठा करणार्‍या जलशयांमधील पाणी कमी होत असल्यामुळे पालिका प्रशासनाने 10 टक्के पाणी कपातीचा निर्णय घेतला होता; सद्यस्थितीत पडत असलेला पाऊस आणि जलाशयांतून तुडुंब भरून वाहून जाणारे पाणी या गोष्टी लक्षात घेऊन मुंबईकरांवर लादलेली 10 टक्के पाणी कपात ताबडतोब रद्द करून पाणीपुरवठा पूर्ववत करण्याची मागणी दिलीप लांडे यांनी आयुक्तांकडे केली आहे.