दिवाळीत 12 सिलिंडर्सचा धमाका

अनुदानित गॅस सिलिंडरची संख्या वाढणार नवी दिल्ली : अनुदानित गॅस सिलिंडरची संख्या वर्षाला सहापर्यंत मर्यादित करण्याच्या सरकारच्या निर्णयामुळे जनमानसात सरकारविरोधात निर्माण झालेला रोष कमी करण्यासाठी सरकार हा निर्णय बदलण्याच्या उद्देशाने फेरविचार करत आहे. सरकारच्या विचारांचे निर्णयात रूपांतर झाल्यास येत्या दसरा-दिवाळी सणाला अनुदानित सिलिंडरची संख्या वर्षाला 12 करण्याची घोषणा सरकार करू शकते. काँग्रेस अध्यक्षा सोनिया गांधी यांनी गुरुवारी कॅबिनेट बैठकीनंतर फेरविचार करण्याला हिरवा कंदील दिला आहे. या फेरविचार करण्याची जबाबदारी पेट्रोलियममंत्री जयपाल रेड्डी यांच्यावर सोपवण्यात आल्याचेही बोलले जात आहे.