गॅसवरील सबसिडी आता बॅंक खात्यात

घरगुती गॅसवर दिली जाणारी सबसिडी यापुढे थेटग्राहकांच्या बँ क खात्यावर रोख पैशांच्या स्वरुपात जमा करण्याचा निर्णय केंद्र सरकारने घेतला आहे .सिलिंडरचा काळाबाजार आणि त्यामुळे होणारी सरकारी पैशाची गळती थांबविण्यासाठी हे पाऊल उचलण्यात आले आहे . येत्या १ एप्रिल पासून संपूर्ण देशात ही योजना राबविण्यात येणार आहे . 

तेल कंपन्या , अर्थ व पेट्रोलियम मंत्रालय आणि 'आधार ' कार्ड प्राधिकरणाच्या अधिका- यांच्या संयुक्तबैठकीत हा निर्णय घेण्यात आला . त्यानुसार देशातील ज्या ५० जिल्ह्यांत आधार कार्डची सर्वाधिक नोंदणी झाली आहे , तेथील गॅस ग्राहकांना १ जानेवारीपासून रोख पैशांच्या स्वरुपात सबसिडी मिळेल . त्यानंतर १ एप्रिलपासून देशातील सर्व जिल्ह्यांत याची अमलबजावणी करण्यात येणार असून १ जुलैपर्यंत देशभरातील सर्व कुटुंबांपर्यंत ही योजना पोहोचविण्याचे लक्ष्य सरकारने ठेवले आहे . 

अशी आहे योजना 

* रोख सबसिडी योजनेचा लाभ मिळविण्यासाठी गॅस सिलिंडर ग्राहकांना सर्वप्रथम स्वत: चा ' आधार' क्रमांक गॅस वितरक व पसंतीच्या बॅंकेकडे नोंदवावा लागेल . 

* ग्राहकाचा ' आधार ' क्रमांक बॅंक आणि गॅस वितरकाला मिळाल्यानंतर सबसिडीची रक्कम थेट ग्राहकाच्या खात्यावर पडेल . 

* सवलतीच्या दरातील सिलिंडरचा कोटा संपेपर्यंत सरकार ही रक्कम ग्राहकाच्या बॅंक खात्यावर जमाकरीत राहील . गॅस सिलिंडरची किंमत ९०० रुपये असेल तर सबसिडीच्या रुपात ४५० रुपये खात्यातजमा होतील . 

* केंद्र सरकारने जाहीर केलेल्या सहा सिलिंडरवरील सबसिडी व्यतिरिक्त राज्याने काही सबसिडी जाहीरकेली असेल तर त्याची रक्कमही ग्राहकांच्या बॅंक खात्यावर जमा होईल .