'घटनात्मक दृष्टी..' विषयावर परिसंवाद

मुंबई : संविधान स्वीकृती दिनानिमित्त अखिल भारतीय डॉ. बाबासाहेब आंबेडकर अँडव्होकेट्स असोसिएशनने दादर येथे 25 नोव्हेंबर रोजी एकदिवसीय परिसंवादाचे आयोजन केले आहे. 'घटनात्मक दृष्टी आणि राज्यकारभार : भारतात न्याय प्रणालीची भूमिका' या परिसंवादाचा मुख्य विषय असणार आहे. नियोजन आयोगाचे सदस्य डॉ. नरेंद्र जाधव परिषदेचे उद्घाटन करणार आहेत.या एकदिवसीय परिषदेत विधी व्यवसाय आणि शिक्षण, सर्वोच्च आणि उच्च न्यायालयात न्यायाधीशांच्या नियुक्त्या, न्यायपालिकेत कर्मचार्‍यांसाठीचे आरक्षण, अँट्रोसिटी कायद्याला प्रतिबंध, महिला सबलीकरण, आंबेडकरवादी वकिलांची भूमिका आणि कार्य या विषयावर विचारमंथन केले जाणार आहे. अध्यक्षस्थान अँड. माधवराव वाघ भूषवणार आहेत. प्रमुख पाहुणे म्हणून न्या. एच. सुरेश, मुंबई उच्च न्यायालयाचे माजी न्या. अँड. डॉ. सुरेश माने, विधी महाविद्यालयातील माजी प्राध्यापक उपस्थित राहणार आहेत. डॉ. आंबेडकर भवन, गोकुळदास पास्ता लेन येथे सकाळी 9 ते सायंकाळी 5 दरम्यान परिषदेचे आयोजन करण्यात आले आहे.