महिलांवरील अत्याचार नगरसेविका मुख्यमंर्त्यांना भेटणार

मुंबई : महिलांवर गेल्या काही दिवसांत वाढलेल्या अत्याचाराचे गुरुवारी पालिकेत तीव्र पडसाद उमटले. सर्वपक्षीय महिला नगरसेविकांच्या तीव्र भावना पाहता येत्या काही दिवसांत मुख्यमंत्री आणि गृहमंर्त्यांना भेटणार असल्याचे आश्वासन महापौर सुनील प्रभु यांनी या वेळी दिले. महिलांवरील वाढते अत्याचार लक्षात घेत सार्वजनिक ठिकाणी, बस स्टॉप येथे अतिरिक्त सुरक्षा पुरवण्यात यावी, अशी मागणी या वेळी शिवसेनेच्या नगरसेविका शीतल म्हात्रे यांनी हरकतीच्या मुद्दय़ाद्वारे उपस्थित केली. त्यावर कृष्णा विश्वासराव, शुभा राऊळ, प्रकाश दरेकर, मनीषा चौधरी यांनी महिलांना सुरक्षा व्यवस्था पुरवण्याची आणि अत्याचार रोखण्याची मागणी केली.