मुंबई/ठाणे : मुंबईतील सहा तसेच ठाणे जिल्ह्यातील चारही लोकसभा मतदारसंघांमध्ये गुजराती भाषिकांची मते टर्निंग पॉइंट ठरल्याचे निवडणूक निकालावरून दिसून येत आहे. ठाणे लोकसभा मतदारसंघात ठाणे विधानसभा, मीरा-भाईंदर आणि ऐरोली मतदारसंघात तसेच कल्याण, पालघर, भिवंडी या भागातही गुजराती मतदारांची संख्या मोठी आहे. भाजपाने नरेंद्र मोदी यांना पंतप्रधानपदाचे उमेदवार म्हणून जाहीर केल्यामुळे प्रांतप्रिय गुजराती मतदारांनी प्रथमच जोरदार मतदान केले. एरवी कोणत्याही निवडणुकीमध्ये मतदानासाठी गुजराती मतदार फारच कमी प्रमाणात बाहेर पडत असतात. मात्र या वेळी ते प्रथम बाहेर पडले. त्याचा फायदा शिवसेना आणि भाजपाच्या उमेदवारांना झाला. परिणामी महायुतीच्या पारड्यात भरभरून मतदान झाल्याने विजयी घोडदौड राखण्यास यश मिळाले.
Post Bottom Ad
