मुंबई : दूरदर्शनच्या कंत्राटी कामकारांना कायमस्वरूपी करण्याबाबत सकारात्मक विचार करणार असल्याचे आश्वासन केंद्रीय माहिती व प्रसारणमंत्री प्रकाश जावडेकर यांनी भारतीय पत्रकार संघाच्या शिष्टमंडळाला दिले. दूरदर्शनमध्ये वृत्तसंकलन, तंत्रज्ञ आणि इतर विभागात गेली दहा ते बारा वर्ष कंत्राटी स्वरूपात मोठय़ा प्रमाणावर कर्मचारी कार्यरत आहेत. कामगार कायद्याच्या संरक्षणापासून हे कंत्राटी कर्मचारी वंचित आहेत. अनेक वर्ष काम करूनही त्यांना कायमस्वरूपी केले जात नाही. कुठल्याही क्षणी कामावरून कमी करता येते. त्यामुळे या कंत्राटी कर्मचार्यांमध्ये असुरक्षिततेची भावना निर्माण झाली आहे. भारतीय पत्रकार संघाचे अध्यक्ष अण्णासाहेब देसाई, सरचिटणीस अशोक शिंदे यांच्या नेतृत्वाखालील शिष्टमंडळाने नुकतीच जावडेकर यांची भेट घेऊन आपल्या मागण्यांचे निवेदन सादर केले.
Post Top Ad
Post Bottom Ad
