मुंबई - सामाजिक न्याय विभागातर्फे चालवल्या जाणाऱ्या मागासवर्गीय विद्यार्थ्यांच्या वसतिगृहाची प्रवेशप्रक्रिया ऑनलाईन राबवली जाणार आहे. ही प्रक्रिया 25 जूनपासून सुरू झाली; मात्र विद्यार्थ्यांचे अर्ज 5 जुलैपासून "सबमिट‘ होऊ लागले. अर्ज भरण्याची मुदत मंगळवारी (ता. 15) संपणार आहे. त्यामुळे ऑनलाईन अर्ज भरण्यासाठी मुदतवाढ देण्याची मागणी प्रहार विद्यार्थी संघटनेने केली आहे. आर्थिक आणि सामाजिक मागास विद्यार्थ्यांसाठी राज्यात 271 शासकीय वसतिगृहे आणि 1500 अनुदानित वसतिगृहे आहेत. त्यापैकी मुंबई आणि उपनगरात मुलींसाठी दोन आणि मुलांसाठी पाच अशी एकूण सात वसतिगृहे आहेत. सर्व वसतिगृहांची प्रवेशप्रक्रिया यंदापासून ऑनलाईन करण्यात आली असली, तरी संकेतस्थळातील तांत्रिक अडचणींमुळे अनेक विद्यार्थ्यांना अर्ज भरता आलेले नाहीत.
Post Bottom Ad
