पवई, भांडुप, विक्रोळी परिसरात १८ अतिधोकादायक इमारती, ४९ दरडी कोसळण्याची ठिकाणे

मुंबई : मुंबई महापालिकेच्या 'एस' विभागात सी-१ प्रवर्गामध्ये एकूण १८ अतिधोकादायक इमारती आणि दरडी कोसळण्याची ४९ संभावित ठिकाणे आहेत. तेथील रहिवाशांनी सुरक्षित स्थळी स्थलांतरीत होण्याचे आवाहन पालिकेने केले आहे. अतिधोकादायक इमारतींमधील रहिवाशांनी त्यांच्या इमारतीचा ताबा त्वरित सोडावा तसेच संभाव्य दरडी कोसळण्याच्या ठिकाणी राहणार्‍या नागरिकांनी स्वत: सुरक्षित ठिकाणी स्थलांतरीत व्हावे. संभाव्य ठिकाणी जर नैसर्गिक आपत्तीने कोणत्याही प्रकारची दुर्घटना अथवा जीवित आणि वित्तहानी झाल्यास पालिका प्रशासन त्याला जबाबदार राहणार नाही, असा इशारा पालिकेने दिला आहे