![](https://blogger.googleusercontent.com/img/b/R29vZ2xl/AVvXsEiYcHteMWF96F5y1O3YiDU8IvgREEF5kDZp1n_FRlGfNM698YhDCtyXTo89YUVr7Z4XBgfjRCfvFoGeE_7VefkCLamfVW-x0qD6qxObtLJgCHDGvz-qPqNTUq9pGBGiHs9QaghI9tMe-UM/w640-h384/health+news.jpeg)
त्यांनी सांगितले की, जर आवश्यक असेल तरच घरातून बाहेर जा. तसेच मास्कचा वापर अवश्य करा. कोरोनाचा संसर्ग संपला आहे, असा विचार करू नका. माक्स काढण्याची वेळ अद्याप आलेली नाही. कोरोनाच्या संसर्गाच्या काळात गेल्यावर्षीप्रमाणेच यावर्षीही घरात सण साजरे करणे अधिक सोईस्कर ठरेल. कोरोनाच्या संसर्गाचा वेग सध्यातरी थांबला आहे. मात्र आपल्याकडून दाखवली जाणारी थोडीशी बेफिकीरी हा संसर्ग वाढवू शकते. हा विषाणू जेव्हा म्युटेट होतो, तेव्हा संपूर्ण व्यवस्था हलवून टाकतो.
डॉ. पॉल यांनी यावेळी महिलांना लसीकरणासाठी पुढे येण्याचे आवाहन केले. ते म्हणाले की, आम्हाला जेवढी अपेक्षा होती तेवढ्या प्रमाणात महिलांनी लस घेतलेली नाही. गर्भवती महिलांसाठी कोरोनाची लस खूपच आवश्यक आहे. यासह त्यांनी हेसुद्धा सांगितले की, ज्यांनी लसीचा पहिला डोस घेतला आहे. त्यांनी दुसरा डोसही योग्य वेळ आल्यावर अवश्य घ्यावा. नीती आयोगाने कोरोनाच्या तिसऱ्या लाटेबाबत आधीही इशारा दिलेला होता. आयोगाच्या म्हणण्यानुसार सप्टेंबर आणि ऑक्टोबर महिन्यामध्ये कोरोनाची तिसरी लाट दिसून येऊ शकते. याबाबत नीती आयोगाच्या सदस्यांनी वेळोवेळी खबरदारीचा इशारा दिलेला आहे.
No comments:
Post a Comment