मुंबई | जेपीएन न्यूज -
कुर्ला (पश्चिम) येथील एल.बी.एस. मार्गावरील शीतल तलावात शुक्रवारी १९ वर्षीय तरुणाचा बुडून मृत्यू झाला. ही घटना सकाळी उघडकीस आल्यानंतर मुंबई अग्निशमन दल, पोलीस, १०८ रुग्णवाहिका, एनडीआरएफ आणि महापालिकेच्या संबंधित विभागाने तातडीने घटनास्थळी धाव घेतली.
मुंबई अग्निशमन दलाच्या जवानांनी तलावातून तरुणाला बाहेर काढून तातडीने राजावाडी रुग्णालयात दाखल केले. मात्र, रुग्णालयातील डॉक्टरांनी त्याला दाखल करण्यापूर्वीच मृत घोषित केले. मृत तरुणाची ओळख आदित्य दिलीप तायडे (वय १९) अशी झाली असून, या घटनेचा पुढील तपास पोलीस करत आहेत.
No comments:
Post a Comment