Mumbai मुंबईतील आशा स्वयंसेविकांना दिवाळीसाठी ५ हजारांचा बोनस; महापौरांचे निर्देश - JPN NEWS

Breaking

Home Top Ad

Post Top Ad

JPN NEWS | Advertise With Us
आपल्या व्यवसायाची, ब्रँडची किंवा संस्थेची जाहिरात महाराष्ट्रातील डिजिटल वाचकांपर्यंत पोहोचवा. डिजिटल जाहिराती आणि व्यावसायिक सहकार्यासाठी संपर्क साधा.
Website Banner Ads Sponsored Content Business Promotions Digital Campaigns
JPN NEWS | Fast • Trusted • People's Voice
Live Updates

Breaking & Latest News Feed

Subscribe to JPN NEWS RSS feed for instant Mumbai & Maharashtra news alerts.

Subscribe Latest News

29 October 2026

Mumbai मुंबईतील आशा स्वयंसेविकांना दिवाळीसाठी ५ हजारांचा बोनस; महापौरांचे निर्देश


मुंबई JPN NEWS - बृहन्मुंबई महानगरपालिकेअंतर्गत कार्यरत आशा स्वयंसेविकांना दिवाळीनिमित्त प्रत्येकी ५ हजार रुपये सानुग्रह अनुदान (बोनस) देण्याचे निर्देश मुंबईच्या महापौर रितू तावडे यांनी दिले आहेत. यासंदर्भात त्यांनी महानगरपालिका आयुक्त अश्विनी भिडे यांना लेखी पत्र पाठवून तातडीने आवश्यक कार्यवाही करण्यास सांगितले आहे.

१,४६१ आशा स्वयंसेविकांसाठी मागणी - 
बृहन्मुंबई महानगरपालिकेअंतर्गत सध्या एकूण १,४६१ आशा स्वयंसेविका कार्यरत आहेत. या स्वयंसेविका अल्प मानधनावर आरोग्य सेवा, लसीकरण मोहिमा आणि विविध शासकीय लोककल्याणकारी योजनांची माहिती तळागाळातील नागरिकांपर्यंत पोहोचविण्याचे महत्त्वपूर्ण काम करतात. आरोग्य यंत्रणेतील त्यांचे योगदान लक्षात घेता, दिवाळीसारख्या महत्त्वाच्या सणाच्या काळात त्यांनाही सानुग्रह अनुदान मिळावे, असे महापौर रितू तावडे यांनी पत्रात नमूद केले आहे.

प्रशासनाला तातडीच्या कार्यवाहीचे निर्देश - 
सर्व १,४६१ आशा स्वयंसेविकांना प्रत्येकी ५ हजार रुपये सानुग्रह अनुदान मंजूर करून त्याबाबत आवश्यक ती कार्यवाही तातडीने करावी, अशी मागणी महापौरांनी प्रशासनाकडे केली आहे. या प्रस्तावानुसार सर्व आशा स्वयंसेविकांना अनुदान दिल्यास एकूण ७३ लाख ५ हजार रुपयांचा निधी आवश्यक असेल. मात्र, महापौरांनी अनुदान देण्याबाबत निर्देश दिले असले, तरी प्रत्यक्ष मंजुरी आणि वितरणाबाबत महानगरपालिका प्रशासनाचा अंतिम निर्णय महत्त्वाचा ठरणार आहे.

No comments:

Post a Comment

Live Updates

Breaking & Latest News Feed

Subscribe to JPN NEWS RSS feed for instant Mumbai & Maharashtra news alerts.

Subscribe Latest News
📢 तुमच्या परिसरातील बातमी पाठवा!

तुमच्या भागातील समस्या, घटना किंवा महत्त्वाच्या बातम्यांचे फोटो आणि व्हिडिओ थेट JPN NEWS ला पाठवा.

WhatsApp वर बातमी पाठवा (+91 9969191363)

Ad Space

JPN NEWS JPN NEWS

Post Bottom Ad

JPN NEWS