बल्क एसएमएसवर १५ दिवसांची बंदी

बल्क (एकगठ्ठा) एसएमएस आणि एमएमएस पाठवून आसामींना धमक्या देणे, अफवा पसरवणे, हिंसक कारवायांसाठी चिथावणी देणे ; असे प्रकार वाढले आहे. कायदा सुव्यवस्थेला बाधा आणणारे हे प्रकार थांबवण्यासाठी बल्क एसएमएस आणि एमएमएस पाठवण्यावर १५ दिवसांसाठी बंदी घातल्याचे केंद्र सरकारने आज संसदेत जाहीर केले. 
  सरकारी निर्णयामुळे एकावेळी पाचपेक्षा जास्त लोकांना एसएमएस आणि २५ पेक्षा जास्त लोकांना एमएमएस पाठवण्यावर बंदी आली आहे. याआधी राज्यसभेत महाराष्ट्र आणि कर्नाटकमधून आसामींचे पलायन होत असल्याबध्दल विरोधकांनी केंद्र सरकारला जाब विचारला. विरोधकांच्या प्रश्नांना उत्तर देताना केंद्र सरकारने आसामींच्या संरक्षणासाठी कटिबध्द असल्याची ग्वाही दिली. 
  दरम्यान, ज्या राज्यांतून मोठ्या प्रमाणावर होत आहे, अशा राज्यांच्या सरकारशी समन्वय ठेवून आसाम सरकारने पलायन थांबवण्याचे प्रयत्न सुरू केले आहेत. महाराष्ट्र आणि कर्नाटकमधील प्रमुख शहरांमध्ये पोलिस आसामींच्या बैठका घेऊन त्यांना सुरक्षेची ग्वाही दिली जात आहे.