कोहिनूरपाठोपाठ राज यांचा इंदू मिलवरही डोळा -अविनाश महातेकर

कोहिनूर मिलपाठोपाठ दादरच्या इंदू मिलच्या जमिनीवरही मनसेचे नेते राज ठाकरे यांचा डोळाअसल्याचा आरोप करत इंदू मिलच्या जागेवर राज यांना बंगला बांधायचा आहे का , असा सवालरामदास आठवले यांच्या नेतृत्वाखाली रिपब्लिकन पक्षाचे राष्ट्रीय सरचिटणीस अविनाश महातेकरयांनी गुरुवारी येथे केला . 
इंदू मिलच्या साडेबारा एकर जागेवर उभारण्यात येणाऱ्या डॉ . बाबासाहेब आंबेडकर यांच्या राष्ट्रीयस्मारकाची टिंगलटवाळी राज ठाकरे यांच्याकडून होत असून , त्यात त्यांची स्मारकाबाबतची आस्थादिसते अशी कोपरखळी महातेकर यांनी मारली . आंबेडकरी समाजातील कार्यकर्ते गरीब असतील .पण ज्या जागा त्यांनी बुद्धविहारासाठी राखून ठेवल्या तिथे बुद्धविहारच बांधले आहेत . स्वतःचे घरनव्हे असा टोला महातेकर यांनी हाणला . 
मनसेला बौद्धांची मते हवी आहेत . मग बौद्धांचे आदर्श असलेल्या बुद्ध मूर्तीची विटंबना झाली तरराज ठाकरे प्रतिक्रिया का देत नाहीत , ती आरपीआयच्या नेत्यांनीच दिली पाहिजे अशी चिथावणी तेका देतात , त्यांना बौद्ध व मुस्लिम समाजात भांडणे लावायची आहेत . पण त्यांच्या मनसुब्यालाआंबेडकरी जनता बळी पडणार नाही , असे महातेकर म्हणाले .