मोबाइल ग्राहकांच्या संख्येत प्रथमच घट

मोबाइल ग्राहकांच्या संख्येत प्रथमच घट नवी दिल्ली : देशातील दूरसंचार ग्राहकांच्या संख्येत जुलै महिन्यात प्रथमच घट झाली आहे. जून महिन्यात देशातील दूरसंचार ग्राहकांची संख्या 96.55 कोटी होती. जुलै महिन्यात ही संख्या 9.48 कोटी झाली आहे. 2.07 कोटी ग्राहकांची ही घट मोबाइल फोन सेवा पुरवठादार कंपन्यांनी निष्क्रिय जोडण्या बंद केल्याने झाली असल्याचे मत टेलिकॉम नियामक संस्था ट्रायने व्यक्त केले आहे. रिलायन्स कम्युनिकेशन्स, टाटा टेलिसर्व्हिसेस, यूनिनॉर, व्हिडिओकोन, लूप आणि एमटीएनएल या कंपन्यांच्या मोबाइल ग्राहकांच्या संख्येत घट नोंदली गेली आहे. सर्वाधिक घट रिलायन्स कम्युनिकेशन्स कंपनीच्या ग्राहकांमध्ये, तर त्यापाठोपाठ टाटा टेलिसर्व्हिसेस, यूनिनॉर, व्हिडिओकोन, लूप आणि एमटीएनएल यांच्या ग्राहकांच्या संख्येत झाली आहे.