नवी दिल्ली : दिवाळीच्या निमित्ताने सरकारने विद्यार्थ्यांना सर्वात मोठी भेट दिली आहे. शिक्षण दिनाचे औचित्य साधून रविवारी 'आकाश-2' टॅब्लेट अपडेटेड व्हर्जनचे राष्ट्रपती प्रणव मुखर्जी यांच्या हस्ते विज्ञान भवनात सादरीकरण करण्यात आले.नवीन 'आकाश-2' 1132 रुपयांमध्ये मिळणार आहे. यासाठी भारत सरकारने अनुदान पुरवले आहे. डिसेंबरपर्यंत एक लाख विद्यार्थ्यांना या टॅब्लेटचे वाटप करण्यात येईल, असा दावा आकाशची निर्मिती करणार्या डाटाविंड कंपनीने केला आहे. पहिल्या 'आकाश'मध्ये दोष आढळल्यानंतर हा प्रकल्प सुधारित व्हर्जनसाठी आयआयटीमधील कॉम्प्युटर सायन्स अँण्ड इंजिनीयरिंग विभागाकडे पाठवण्यात आला होता. त्यानंतर अपडेटेड व्हर्जनचा आकाश आणण्यात आला. आकाशचे नवे व्हर्जन ओपन सोर्स अँप्लिकेशन ओएस अँड्रॉएड 4.0.3 ने संचलित आहे, तर यात कोरटेक्स प्रोसेसर बसविण्यात आला आहे, तर यातील रॅम क्षमता 512 एमबी करण्यात आली आहे. याआधीच्या व्हर्जनमध्ये ती 256 एमबी होती. तसेच वायफाय नेटवर्क असून, याची बॅटरी क्षमता 3 हजार एमएएच आहे. त्यामुळे किमान सहा ते सात तास हा टॅब्लेट चालेल.आकाशव्यतिरिक्त बाजारात पाच हजार रुपयांपासून दहा हजार रुपयांपर्यंत किमतीचे टॅब्लेटही उपलब्ध आहेत.
No comments:
Post a Comment