बचत गटांच्या वस्तूंचे प्रदर्शन

मुंबई : सुवर्ण जयंती शहर रोजगार योजना आणि महिला व बाल कल्याण योजनेंतर्गत महिला बचत गटांनी उत्पादन केलेल्या विविध वस्तूंच्या प्रदर्शनाचे मुंबई मनपा मुख्यालयात 7 ते 8 नोव्हेंबर दरम्यान आयोजन करण्यात आले आहे. महिला बचत गटांनी उत्पादन केलेल्या पणत्या, आकाश कंदील, फॅन्सी कॅण्डल्स, तोरणे, ग्रीटिंग्ज कार्ड, मोत्यांचे दागिने, ज्यूट ज्वेलरी, डायर्‍या, सलवार-कमीझ, रेडिमेड नऊवारी साडी या प्रदर्शनात मांडण्यात येणार आहेत. महालक्ष्मी (कुर्ला-कमानी ), निष्टाई (चुनाभट्टी), प्रतीक्षा, वैभवलक्ष्मी, हरितक्रांती (कुर्ला), वैभवी (चुनाभट्टी), ज्योती, प्रेरणा, कल्याण (घाटकोपर), दुर्गा, प्रगती, रेणुका (काळाचौकी), आशादीप (खार), जागृती व सिद्धार्थ (सांताक्रुझ), झाशीची राणी (मालाड), जिजाबाई(चेंबूर), वैयक्तिक (धारावी), भाग्यश्री (बोरिवली), मुंबादेवी (लालबाग) या महिला उत्पादक गट या प्रदर्शनात सहभागी होणार आहेत. महापौर सुनील प्रभू, उपमहापौर मोहन मिठबावकर, स्थायी समिती अध्यक्ष राहुल शेवाळे, आयुक्त सीताराम कुंटे यांच्या नेतृत्वाखाली या प्रदर्शनाचे आयोजन करण्यात आले आहे.