मुंबई : इंदू मिलच्या जागेबाबत सरकारने 5 डिसेंबरपर्यंत निर्णय घेऊन डॉ. बाबासाहेबांच्या स्मारकाचा प्रश्न गांभीर्याने सोडावावा; अन्यथा समाजवादी पक्ष तीव्र आंदोलन करून ६ डिसेंबर रोजी आंबेडकरी जनतेच्या खांद्याला इंदू मिलच्या जागेचा ताबा घेईल, असा इशारा सपाचे महासचिव मिराज सिद्दिकी, नगरसेवक याकूब मेनन, नगरसेवक निरंजन पाटील आदी पदाधिकार्यांनी गुरुवारी आझाद मैदानात दिला. डॉ. बाबासाहेबांच्या स्मारकासाठी सरकार वेळकाढूपणा करत आहे हे योग्य नाही, असे सांगत मिराज सिद्दिकी म्हणाले, दलित आणि मुस्लीम धर्मियांसाठी बाबासाहेबांनी भरपूर काही भारतीय राज्य घटनेतून दिले, आता मुस्लीम समाजातील लोकांनी बाबासाहेब आंबेडकर यांच्या जनतेला काही देण्याची वेळ आली आहे. मुस्लीम जनतेने आंबेडकरी जनतेच्या सोबत खांद्याला खांदा लावून इंदू मिलचा ताबा घ्यावा व आंबेडकर स्मारकासाठी इंदू मिल मिळवून देण्याची जबाबदारी स्वीकारावी असे आवाहन मिराज सिद्दिकी यांनी केले.
Subscribe to:
Post Comments (Atom)
Post Bottom Ad
No comments:
Post a Comment