मुंबई : अल्पसंख्याक असणार्या शाळा, वसाहती यांच्यावर महानगरपालिकेने विकासकामाच्या नावाखाली जो मनमानी कारभार सुरू केला आहे. तो त्वरित थांबवावा, अशी मागणी सेव्ह अवर लॅण्ड कमिटीने बुधवारी पत्रकार संघ येथे केली आहे. कांदिवली येथील सेंट जोसेफ हायस्कूल व सेंट अँन्थनी चर्च या ठिकाणी नाला व इतर विकासकामांमुळे पावसाळ्यात धोका निर्माण होणार आहे. पर्यायी व्यवस्था असताना हा मनमानी कारभार सुरू आहे. त्यामुळे संस्थेच्या वतीने 1 डिसेंबरला कांदिवली येथे शांती मोर्चाचे आयोजन करण्यात आले आहे. जमीन संपादनाचे आदेश कायमचे रद्द व्हावेत, दफनभूमीसाठी पश्चिम उपनगराच्या पूर्वेकडील जमीन उपलब्ध करून द्यावी. या व आदी मागण्या त्वरित मान्य न झाल्यास शांती मोर्चानंतर तीव्र आंदोलन करण्यात येईल, असा इशारा डॉल्फी डिसोझा यांनी या वेळी दिला.
Subscribe to:
Post Comments (Atom)
Post Bottom Ad
No comments:
Post a Comment