'मनोहर जोशींवर कठोर कारवाई करावी"

मुंबई- शिवाजी पार्कवर शिवसेनाप्रमुख बाळासाहेब ठाकरे यांचे स्मारक व्हावे, यासाठी कायदा मोडण्याची भाषा वापरणारे शिवसेना नेते मनोहर जोशींवर राज्य सरकारने कठोर कारवाई करावी, अशी मागणी समाजवादी पक्षाचे प्रदेशाध्यक्ष व आमदार अबू आझमी यांनी आज केली. लोकसभेचे माजी अध्यक्ष व राज्याचे माजी मुख्यमंत्री असलेल्या नेत्याच्या तोंडी असली भावना भडकावणारी व कायद्याचा अवमान करणारी भाषा शोभत नाही यामुळे जोशींविरुद्ध कारवाई करून कायदा सर्वांसाठी समान असल्याचे मुख्यमंत्री व गृहमंत्र्यांनी जनतेला दाखवून द्यावे, असे मत आझमी यांनी व्यक्त केले.