फुकट्या प्रवाशामुळे बेस्टचा तिकीट तपासनीस जखमी

दि : २५ नोव्हेंबर २०१३ /  http://jpnnews.webs.com ( JPN NEWS website )

मुंबई / कफ परेड - रशिद इनामदारआज सकाळी पावणे आठ च्या सुमारास कफ परेड मधील जी. डी. सोमाणी शाळेच्या बस थांब्यावर ब्याकबे डेपोचे तिकीट तपासनीस कर्तव्य बजावत होते. छत्रपती शिवाजी टर्मिनस ते ब्याकबे या दरम्यान वाहतूक करणारी १३८ मार्गावरील बस आली. त्या बस मधून एक महिला तसेच एक पुरुष प्रवासी उतरले . कर्तव्यावर असलेल्या तिकीट तपासनिसानी त्यांच्याकडे तिकीट दाखण्याची मागणी केली असता पुरुष प्रवाशाने पळ काढला .  तपासनिसानी त्याचा पाठलाग सुरु केला. पदपथावर एका बाजूला इमारतीच्या कुंपणाची उंच भिंत आणि एका बाजूला फुलझाडे लावून सुशीभित करण्यात आलेला कठडा. त्यातून पाठलाग करताना त्या फुलझाडांच्या कट्ट्याला असलेले बाणासारख्या टोकाचे कुंपनाला तपासनिसाचा हात लागला. तो बाण त्याच्या तळ हातात अक्षरशः घुसला. काही कळायच्या आत हात रक्तबंबाळ झाला. बस थांबली बस वाहकाने स्वतःच्या रुमालाने त्या तपासनिसाचा हात बांधला. त्याच्या हातातील पास तपासण्याचा यंत्र स्वतःकडे घेतले. तपासनिस स्वतः इस्पितळात निघून गेले. त्यांनी डेपोमध्ये माहिती देण्यासाठी बस वाहकाला सूचना दिली. एका बेजाबदार फुकट्या प्रवाशांमुळे तपासनिसाला इजा झाली त्यामुळे प्रवाशांनी तसेच पादचार्यांनी  हळहळ व्यक्त केली व शिव्यांची लाखोली वाहिली. या गोंधळात तिकीट तपासनिसाचे नाव मात्र कळू शकले नाही.