मुंबई : कॅम्पा कोलातील अनधिकृत बांधकामाविरोधात पालिका आयुक्तांवर एमआरटीपी अंतर्गत नोटीस बजावण्याची मागणी भाजपाचे गटनेते दिलीप पटेल यांनी बुधवारी स्थायी समितीच्या बैठकीत केली. कॅम्पा कोलातील अनधिकृत फ्लॅटमधील रहिवाशांना न्याय मिळण्यासाठी भाजपाचे गटनेते दिलीप लांडे यांनी यापूर्वी सभागृहात आवाज उठवला होता. त्यानंतर त्यांच्या नेतृत्वाखाली भाजपाच्या नगरसेवकांनी आयुक्तांना घेराव घातला. त्या प्रकरणाकडे पुन्हा त्यांनी बुधवारी स्थायी समितीचे लक्ष वेधले. कॅम्पा कोलाची जमीन महापालिकेची आहे त्यामुळे ही जमीन भाडे करार तत्त्वावर देण्यात आली असून, या जमिनीच्या मोबदल्यात महापालिका कॅम्पा कोलाकडून भाडे वसूल करत आहे. या जमिनीवर बांधण्यात आलेल्या विकासकावर कारवाई न करता उलट तेथे राहत असलेल्या रहिवाशांना रस्त्यावर यावे लागले आहे. न्यायालयातदेखील या विषयी कॅम्पा कोलाची बाजू मांडण्यात आलेली नाही. यासंदर्भात विकासकावर मोफ्फा (१९६३)(एमओएफए) कायद्यांतर्गत कारवाई करण्यात यावी, तत्कालीन महापालिकेचे संबंधित खात्याच्या अधिकार्यांवर एफआयआर नोंदवून कायदेशीर कारवाई करावी तसेच अकार्यक्षम पालिका आयुक्तांविरोधात एमआरटीपीची नोटीस बजावावी, अशी मागणी पटेल यांनी बुधवारी हरकतीच्या मुद्दय़ाद्वारे स्थायी समितीच्या बैठकीत केली.
Subscribe to:
Post Comments (Atom)
Post Bottom Ad
No comments:
Post a Comment