बेस्टच्या कॅज्युअल कामगारांचे धरणे आंदोलन

मुंबई - 28 Nov. 2013 - http://jpnnews.webs.com १ ऑगस्ट २0१२ रोजी झालेल्या करारानुसार ३ वष्रे सेवा पूर्ण के लेल्या सर्व कॅज्युअल कामगारांना बेस्ट उपक्रमाच्या सेवेत हंगामी, नवघणी पदावर सामावून घ्यावे यासह अन्य मागण्यांसाठी बेस उपक्रमातील कॅज्युअल कामगारांनी बुधवारी आझाद मैदानात धरणे आंदोलन केले. ३ वष्रे व तीन वर्षांपेक्षा जास्त काळ बेस्ट उपक्रमाची सेवा केलेल्या कॅज्युअल कामगारांना हंगामी, नवघवी पदावर सेवा ज्येष्ठतेनुसार टप्प्याटप्प्याने सामावून घ्यावे, यासाठी बॉम्बे इलेक्ट्रीक वर्कर्स युनियन व बेस्ट प्रशासनामध्ये ८ जून २00६ रोजी समझोता करार झाला, मात्र या कराराची अंमलबजावणी करण्यास बेस्ट प्रशासनाने उदासीन धोरण अवलंबले असून, त्यामुळे कॅज्युअल कर्मचार्‍यांमध्ये प्रचंड असंतोष निर्माण झाला आहे. ३ वष्रे सेवाकाळ पूर्ण झालेल्या तारखेपासून हंगामी, नवघणी पदाचे वेतन, भत्ते व सोयी सवलती प्रदान करण्यात याव्यात, रिक्त असलेल्या कायम नवघणी श्रेणी पी-१/टी १ ला पदावर सेवाज्येष्ठतेनुसार कॅज्युअल कामगारांना कायम करण्यात यावे, बेस्ट प्रशासनाला आवश्यक असेल त्या पद्धतीने कॅज्युअल कामगारांना सेवा ज्येष्ठतेनुसार प्रत्येक महिन्याच्या २ व १५ तारखेला कामावर घेण्याची प्रक्रिया पूर्ववत सुरू करावी, या मागण्यांसाठी युनियनतर्फे बुधवारी आझाद मैदानात धरणे आंदोलन करण्यात आले.