प्रसिद्ध निर्माते विक्रम भट व आफताब शिवदासानीच्या हस्ते कथासंग्रहाचे अनावरण
मुंबई: भयकथांच्या चाहत्यांसाठी भारतीय भयकथांच्या प्रांतात प्रथमच व्यावसायिक पातळीवर फराझ काझी आणि विवेक बॅनर्जी लिखीत ‘द अदर साईड’ या भयकथा संग्रह असलेले पुस्तक प्रकाशित करण्यात आले आहे. प्रसिद्ध चित्रपट निर्माता विक्रम भट आणि अभिनेता आफताब शिवदासानी यांच्या हस्ते अंधेरीस्थित लॅंडमार्क बुक स्टोअर येथे पुस्तकाचे प्रकाशन करण्यात आले. बहुराष्ट्रीय पुरस्कार विजेता फराज काझीच्या या पुस्तक प्रकाशनावेळी विद्या माळवदे, टिया वाजपेयी आणि इतर बॉलीवूड कलाकारांनी मोठ्या प्रमाणात उपस्थिती दर्शविली.
भयकथांचा चाहत्या वर्गाला भयकथा वाचण्यासाठी फारसे भारतीय साहित्य उपलब्ध होत नाही. अशा वेळी बऱ्याचशा विदेशी कथा-कादंबऱ्यांवर वाचक आपली तहान भागवताना दिसतात. ‘द अदर साईड’च्या प्रकाशनामुळे भयकथा वाचकांसाठी अस्सल भारतीय चवीच्या कथा वाचायला मिळणार आहेत. थ्री-डी मुखपृष्ठ हे या पुस्तकाचे आणखी एक वैशिष्ट्य म्हणावे लागेल.
या अगोदर ‘ट्रूली मॅडली डीपली’ या प्रणय कादंबरी आधारे फराझ काझीने वाचकांच्या हृदयात घर केले आहे. या कादंबरीच्या आधारे ‘रोमॅन्स’ विभागातला सर्वात पहिला सन्मान नावावर असल्याने फराजचा मोठा चाहता वर्गही तयार झाला आहे.
‘वाचकांच्या प्रेमामुळे ‘ट्रूली मॅडली डीपली’ कादंबरीने बेस्ट सेलर यादीत नाव पटकावले. लहानपणापासून आपण भयकथा वाचायच्या म्हटल्या तर परदेशी लेखकांवर अवलंबून असायचो. आपल्या मातीतली भयकथा वाचायला वाचकांना मिळावी या हेतूने ‘द अदर साईड’ची आम्ही निर्मिती केली आहे. ‘ट्रूली मॅडली डीपली’ या कादंबरी प्रमाणे देखील या पुस्तकाला वाचकांचा उदंड प्रतिसाद मिळेल अशी आशा आहे’, असे फराज ने माध्यमांशी बोलताना सांगितले.
No comments:
Post a Comment