मुंबई : रिक्षा/टॅक्सी कायमस्वरूपी भंगारात काढण्याचे कोणतेही आदेश शासनाने दिले नाहीत, मात्र दलाल आरटीओ कार्यालयातच भंगारवाल्याला आणून रिक्षा अवसानात काढत असल्याचा दावा राजाराम बापू पाटील रिक्षा मालक व चालक सेवा संघाचे अध्यक्ष श्यामराव मोकाशी यांनी केला आहे. १ ऑगस्ट २0१३ पासून सोळा वर्षांपुढील रिक्षा व वीस वर्षांपुढील टॅक्सीचे परवान्यावर वाहनांच्या नोंदी कमी करणे अथवा पासिंग करू नये, असे आदेश राज्य सरकारने दिले आहेत. मात्र दलालांनी या निर्णयाचा गैरफायदा घेत रिक्षा/टॅक्सी भंगारात काढण्यास सुरुवात केली आहे. परिणामी, आरटीओ कार्यालयातच दलालांनी भंगाराचा बाजार भरवला आहे. शासन दरबारी रिक्षा भंगारात काढण्याचा कोणताही निर्णय झाला नाही; परंतु; भंगारवाल्यांना हाताशी धरून दलाल आपले पोट भरत असल्याचा आरोप मोकाशी यांनी केला आहे. राज्यभर वर्षाला तीस हजार रिक्षा कायमस्वरूपी भंगारात जमा होणार आहेत. त्यामुळे रिक्षा/टॅक्सी चालक भिकारी होणार असून दलाल मजा मारणार असल्याचे मोकाशी यांनी प्रसिद्धीपत्रकात म्हटले आहे.
Subscribe to:
Post Comments (Atom)
Post Bottom Ad
No comments:
Post a Comment