शिवसेनाप्रमुख चषक कबड्डी स्पर्धेचा रंगतदार समारोप

रशिद इनामदार / प्रतिनिधी 

शिवसेनाप्रमुख बाळासाहेब ठाकरे यांच्या जयंती निमित्त कबड्डी स्पर्धेचं आयोजन विद्यार्थी स्पोर्ट्स क्लब मानखुर्द ,शिवसेना शाखा क्रमांक १३४ च्या वतीने करण्यात आले होते. मुंबई उपनगर जिल्हा कबड्डी असोशियनची मान्यता असलेल्या या स्पर्धेला राष्ट्रीय केमिकल्स फ़र्तिलयझर यांनी प्रायोजित केलं होतं. यावेळी मुंबई महानगरपालिकेचे स्थायी समिती अध्यक्ष राहुल शेवाळे, आर सी एफ चे मुख्य व्यवस्थापक मोहन वानकर ,राष्ट्रीय कबड्डी खेळाडू आणि सध्याच्या आर सी एफ कबड्डी संघाचे व्यवस्थापक चारू गिलबिले ,शिवछत्रपति पुरस्कार विजेते कबड्डीपटू रवींद्र करमरकर ,शाखाप्रमुख रोहिदास ढेरंगे ,महिला संघटक संगीता तेटमे ,माजी अध्यक्ष सुखदेव थोरात ,विद्यमान अध्यक्ष बाबुराव निकम ,संस्थेचे संस्थापक व माजी शाखाप्रमुख  राजाराम बोऱ्हाडे , शिवाजी फडतरे , प्रशांत वल्लभ,निमेश भोसले , विष्णू जाधव , अविनाश निकम आदी मान्यवर हजर होते .निरीक्षक म्हणून मिलिंद सावंत यांनी  या स्पर्धेदरम्यान काम पहिले . 

   या स्पर्धेत मुंबई उपनगरातील पुरुषांच्या १६ तर महिलांच्या ८ संघांनी भाग घेतला होता . टागोरनगर मित्र मंडळ,विक्रोळी आणि शिवनेरी क्रीडा मंडळ,घाटकोपर या दोन संघांमध्ये महिलांचा अंतिम सामना रंगला या सामन्यात टागोरनगर मित्र मंडळाने विजय मिळवला . पुरुषांचा अंतिम सामना शितलादेवी क्रीडा मंडळ,चेंबूर आणि साहसी कला क्रीडा मंडळ या संघात झाला . अत्यंत अटी तटीच्या रंगतदार सामन्यात साहसी क्रीडा मंडळ विजेता ठरले . या स्पर्धेत सर्वोत्कृष्ट खेळाडू साईली फाटक हिला विशेष पारितोषिक देऊन गौरवण्यात आले . प्रेक्षकांची उपस्थिती मोठ्या प्रमाणात या स्पर्धेला होती . या मंडळातर्फे दरवर्षी मैदानी खेळांचे आयोजन करण्यात येते . या स्पर्धांचं हे २४ वे वर्ष आहे . आजवर राजाराम बोऱ्हाडे यांनी ५२ तरुणांना व्यसनमुक्त केले आहे . यावर्षी व्यसनमुक्ती चे कार्य मंडळातर्फे हाती घेण्यात आले आहे . तसेच पुढील वर्षीच्या कबड्डी स्पर्धा मॉट वर खेळवण्याचा मंडळाचा मानस आहे असेही बोऱ्हाडे यांनी सांगितले .