मुंबईचे पोलिस आयुक्त सत्यपाल सिंह यांनी गुरुवारी आपल्या पदाचा राजीनामा दिला आहे. 1980 च्या बॅचचे आयपीएस अधिकारी असलेले सिंह 2015 साली निवृत्त होणार होते. मात्र, त्यांनी एक वर्ष आधीच आपल्या पदाचा राजीनामा देत समाजकारणात वाहून घेणार असल्याचे म्हटले आहे. सूत्रांनी दिलेल्या माहितीनुसार, सत्यपाल सिंह हे भाजपमध्ये प्रवेश करणार असून, ते यूपीतून लोकसभा निवडणूक लढविणार आहेत. मात्र सिंह यांनी याबाबत इन्कार केला आहे. दुसरीकडे, आम आदमी पक्षातूनही सत्यपाल सिंह यांना लोकसभा निवडणूक लढविण्याची ऑफर देण्यात आली आहे.
भाजप पक्षातून मिळालेल्या माहितीनुसार, सिंह आणि भाजपच्या नेत्यांत याबाबत चर्चा झाली आहे. भाजपमधील हेविवेट नेते नितीन गडकरी यांच्यामार्फत सत्यपाल सिंह यांनी पक्षाध्यक्ष राजनाथसिंह यांची भेट घेतली आहे. विशेष म्हणजे सत्यपाल सिंह हे सुद्धा यूपीतील मेरठचे रहिवाशी आहेत. त्यानंतर भाजपचे यूपीचे प्रभारी अमित शहा यांना सत्यपाल सिंह यांच्या संपर्कात राहण्याच्या सूचना नरेंद्र मोदींनी दिले आहेत. नागपूरमध्ये पोलिस आयुक्त असताना सिंह यांची राष्ट्रीय स्वयंसेवक संघाशी (आरएसएस) जवळीक होती. त्यामुळे त्यांना आगामी काळात यूपीतून भाजपकडून लोकसभेची उमेदवारी मिळण्याची शक्यता आहे. मुंबई पोलिस आयुक्तपदाचा सिंह यांचा कार्यकाळ पूर्ण झाला आहे. त्यामुळे त्यांच्या जागेवर नवा पोलिस आयुक्त नेमण्यात येणार आहे. तसेच त्यांना प्रमोशन देऊन साईडलाईनला टाकण्यात येणार असल्याची चर्चा होती. मात्र, त्यापूर्वीच त्यांनी आपल्या पदाचा राजीनामा देत भाजपशी संधान साधले आहे.
मेरठ किंवा बागपतमधून उमेदवारी- सत्यपाल सिंह यांनी इशरत जहॉं चकमकप्रकरणी गुजरात हायकोर्टाने नेमलेल्या एसआयटी पथकाचे नेतृत्त्व करण्यास सिंह यांनी नकार दिला होता. त्यामुळेच संघाशी त्यांची पहिल्यापासून जवळीक असल्याचे स्पष्ट झाले होते. त्यामुळेच भाजप त्यांना यूपीतील त्यांना मेरठ किंवा बागपत यापैकी एका जागेतून ते लढू शकतात.
No comments:
Post a Comment