विलिनीकरण रद्द करण्यासह वेतनवाढीच्या मुद्द्यावरुन राष्ट्रीयीकृत बँकांच्या कर्मचाऱ्यांनी दोन दिवसीय संपाची घोषणा केली आहे. हा संप सोमवारपासून सुरू होत आहे. यादरम्यान खासगी व सहकारी बँका सुरू असल्या तरी एटीएमचा विचार केल्यास ते मंगळवारी सकाळी बंद पडू शकण्याची भीती आहे.
राष्ट्रीयीकृत बँकांच्या नऊ युनियन्सनी मिळून युनायटेड फोरम ऑफ बँक्स असोसिएशनची (यूबीएफओ) स्थापना केली आहे. यामध्ये ऑल इंडिया बँक्स एम्प्लॉइज असोसिएशन (एआयबीईए), बँक एम्प्लॉइज फेडरेशन ऑफ इंडिया (बेफी) व नॅशनल ऑर्गनायझेशन ऑफ बँक वर्कर्स (एनओबीडब्ल्यू) या तीन संघटनांच्या सर्वाधिक सदस्यांचा समावेश आहे. यूबीएफओची बँकेच्या व्यवस्थपनासोबत सुरू असलेली वेतनवाढीसंदर्भातील बोलणी मागील आठवड्यात फिस्कटली. त्यामुळे त्यांची संपाची हाक दिली आहे. विशेष म्हणजे, या हाकेला एरवी संपापासून दूर राहणाऱ्या अधिकाऱ्यांच्या संघटनेनेदेखील पाठिंबा दिला आहे.
यामुळे मुख्य व्यवस्थापक पदापर्यंतचे अधिकारी संपात सहभागी होणार आहेत. दरम्यान, ९ फेब्रुवारीला, रविवारी बँकांची एटीएममध्ये पैसे भरले नाहीत. तर सोमवार-मंगळवारी संप असल्याने या दोन्ही दिवशी पैसे भरले जाण्याची शक्यता तुरळकच आहे. यासोबतच पंजाब नॅशनल बँकेचे कर्मचारीदेखील संपात असल्याने क्लीअरिंग हाऊस बंद राहणार आहे. या सर्वांचा परिणाम एटीएमवर होण्याची शक्यता आहे. खासगी बँकांचे एटीएम सुरू राहतील. मात्र, राष्ट्रीयीकृत बँका बंद असल्याने एटीएमचा भार वाढेल व त्यातून मंगळवारी सकाळपर्यंत बहुतांश एटीएम बंद होण्याची शक्यता वर्तविण्यात आली आहे.
या बंददरम्यान नागपूर शहरातील विविध बँकांच्या सुमारे १०० शाखांचे १६ हजार कर्मचारी संपावर राहण्याची शक्यता आहे. यामुळे ६० कोटी रुपयांचे क्लीअरिंग्स बंद पडतील, असा अंदाज वर्तविण्यात आला आहे.
या बंददरम्यान नागपूर शहरातील विविध बँकांच्या सुमारे १०० शाखांचे १६ हजार कर्मचारी संपावर राहण्याची शक्यता आहे. यामुळे ६० कोटी रुपयांचे क्लीअरिंग्स बंद पडतील, असा अंदाज वर्तविण्यात आला आहे.
No comments:
Post a Comment