मुंबईला ताप

मुंबई - मुंबईकर तापाने त्रस्त झाल्याचे महापालिकेच्या आकडेवारीवरून दिसते. आतापर्यंत 9273 व्यक्तींना वेगवेगळ्या प्रकारच्या तापाची लागण झाली आहे. पावसाने आता काहीशी उसंत घेतली असली, तरी तापाची साथ सुरूच आहे. तापाचे प्रमाण मागील वर्षीपेक्षा अधिक असल्याचे आरोग्य विभागातील अधिकाऱ्यांनी सांगितले. ऑगस्टच्या पहिल्या आठवड्यात तापाचे 1733 रुग्ण आढळले. गॅस्ट्रोचे 292, मलेरियाचे 235, हेपॅटायटिसचे 39 आणि टायफॉईडचे 35 रुग्ण आढळले आहेत. ऑगस्टच्या पहिल्या आठवड्यात डेंगीचे 18 रुग्ण आढळले असल्याची माहिती महापालिकेने दिली आहे.