प्राथमिक शिक्षक, शिक्षकेतर कर्मचार्‍यांचा मोर्चा

मुंबई ( जेपीएन न्यूज ) : मुंबई महानगरपालिका क्षेत्रातील खाजगी अनुदानित, विनाअनुदानित माध्यमांच्या प्राथमिक शिक्षक कर्मचार्‍यांनी शिक्षणाधिकारी आणि प्रशासनाच्या विरोधात हिंदू कॉलनीतील शिक्षणाधिकार्‍यांच्या कार्यालयावर मोर्चा व धरणे आंदोलन केले. 


शिक्षण विभागाकडे गेली दोन वर्षे पाठपुरवा करूनही शिक्षकांच्या न्याय्य मागण्यांकडे लक्ष देण्यात आले नाही. तसेच संयुक्त बैठकही घेण्यात आली नाही.शिक्षकांना संच मान्यतेनुसार अतिरिक्त ठरवणे, अतिरिक्त कर्मचार्‍यांना सामावून न घेणे, त्यांचे वेतन बंद करून नवृत्तीवेतन लाभ न देणे, एकरकमी थकबाकी न देणे, आरटीई प्रमाणे विद्यार्थ्यांचे धोरण न राबवणे, सेवा नवृत्तीचे वेतन व थकबाकी न देणे, कर्मचार्‍यांचा भविष्य निर्वाह निधी मनपाकडे जमा करून न घेणे, मनपा कर्मचार्‍यांप्रमाणे लिपिकांना ग्रेड प न देणे, लिपिक, शिपाई यांच्या रिक्त जागा न भरणे, ३ वर्षे सेवा झालेल्या शिक्षण सेवकांना मंजुरी न देणे, शिक्षकेतर कर्मचार्‍यांना मंजुरी न देणे, स्वेच्छानवृत्ती वेतन अमलात न आणणे, वैगरे न्याय्य मागण्यांसाठी शिक्षक कर्मचारी-शिक्षक सेनेच्या नेतृत्वाखाली आंदोलन करण्यात आले. शिक्षणधिकार्‍यांना लेखी पत्र देऊन आठ दिवस झाले, मात्र तरीही प्रशासनाने आणि शिक्षणाधिकार्‍यांनी अद्यापही पत्राची दखल घेतली नाही. त्यामुळे शिक्षक वर्गात असंतोष निर्माण झाला आहे.