मुंबई : मुंबई महापालिकेच्या मासळी बाजार व मंडयांमध्ये महिला विक्रेत्यांसाठी स्वतंत्र शौचालये, विश्रांतीगृह आणि स्वच्छता त्वरित न झाल्यास संबंधित अधिकारी व कर्मचार्यांची पालिकेचे अतिरिक्त आयुक्त संजय देशमुख यांच्याकडे तक्रार करण्यात येईल आणि कामचुकार अधिकारी व कर्मचार्यांना निलंबित करण्याची शिफारसही त्यांना करेन, अशी तंबी पालिकेच्या बाजार व उद्यान समितीचे अध्यक्ष अजित भंडारी यांनी दिली. पालिकेच्या अखत्यारीतील विविध मासळी बाजार आणि मंडयांची दुरुस्ती कामे आणि पुनर्विकास करताना त्यात काळानुरूप सर्वसमावेशक सुधारणा कराव्यात आणि आधुनिक तंत्रज्ञानाच्या साहाय्याने मुंबई शहर व उपनगरातील मंडया व मासळी बाजार निर्माण करावेत, असेही निर्देश त्यांनी दिले.
Post Top Ad
Post Bottom Ad
