मुंबई : मुंबईतील नाल्यांच्या सफाईच्या कामावर देखरेख ठेवण्यासाठी सीसीटीव्ही बसवण्याची मागणी शुक्रवारी स्थायी समितीच्या बैठकीत करण्यात आली. समितीच्या बैठकीत सदस्यांनी नालेसफाईवर चर्चा घडवून आणली, त्या वेळी ही मागणी करण्यात आली. २७ मेपर्यंत नालेसफाई ९२.७२ टक्के झाली आहे, तर मिठी नदीची सफाई ९१.४0 टक्के झाली आहे, अशी माहिती प्रशासनातर्फे देण्यात आली आहे. पावसाळा आठ दिवसांवर आला आहे. ठेकेदार नाल्यातील गाळ कुठे टाकतात हे पाहण्यासाठी यंत्रणा निर्माण करण्याची गरज आहे, असे भाजपाचे गटनेते मनोज कोटक म्हणाले. तर नालेसफाई किती झाली आहे व ही सफाई कधीपर्यंत सुरू राहणार आहे, अशी विचारणा सदस्यांनी प्रशासनाला केली.
Post Top Ad
Post Bottom Ad
